"Жетісу" Азия чемпиондар лигасының финалына шықты (ВИДЕО)
Талдықорғанның "Жетісу" әйелдер волейбол клубы Азия чемпиондар лигасының финалына жолдама алды.
Жартылай финалдық матчта қазақстандық ұжым Тайландтың "Натхонратчасима" клубымен күш сынасты. "Жетісу" волейболшылары қарсыластарын 3:0 есебімен айқын жеңді – сеттер нәтижесі: 25:20, 25:21, 25:21.
Осылайша талдықорғандықтар турнир барысында өткізген барлық төрт ойында да қарсыластарына бірде-бір сет бермей, сенімді ойын көрсетті.
Финалдық кездесу 27 сәуірге жоспарланған. "Жетісу" чемпиондық атақ үшін Вьетнамның "ВТВ Биньдьен Лонган" командасы мен Қытайдың "БАИК Мотор" клубы арасындағы жеңімпазбен кездеседі.
Айта кетейік, бұған дейін "Жетісу" Азия чемпиондар лигасының финалында екі рет (2010, 2013) ойнаған болатын.Бірақ екі жағдайда да жеңіліс тапты.
Қазақстанның басқа клубтары бұл турнирде жеңіске жеткен:
- Алматының "Рахат" командасы (2004, 2007);
- Өскеменнің "Алтай" ұжымы (2021);
- Петропавлдың "Қуаныш" клубы (2022).