Париж Олимпиадасының жүлдегерлеріне Алматыдан пәтер берілді
Салтанатты шараға қалалық әкімнің орынбасары Бейбіт Шаханов қатысты.
Парижде өткен 2024 жылғы Жазғы Олимпиада ойындарында жүлдегер атанған бес қазақстандық спортшы Алматы қаласынан пәтер кілтін алды. Бұл жаңалық сегіз айға созылған қоғамдық резонанстан кейін жүзеге асты.
Олимпиада жүлдегерлеріне баспана табысталды
Алматы қаласы әкімдігінің хабарлауынша, спортшыларға пәтер кілттері ресми түрде табысталды. Салтанатты шараға қалалық әкімнің орынбасары Бейбіт Шаханов қатысты.
«Сіздің жеңістеріңіз-көп жылғы қажырлы еңбектің нәтижесі және спортшылардың жаңа буыны үшін лайықты үлгі. Алматы Сіздердің жетістіктеріңізді жоғары бағалайды және Сіздерді жаңа жетістіктерге жету жолында үнемі қолдайтын болады», — деді Бейбіт Шаханов.
Пәтер алған спортшылар:
-
Назым Қызайбай – бокстан қола жүлдегер
-
Ислам Сатпаев – нысана көздеуден қола жүлдегер
Екеуі де бір бөлмелі пәтер иегері атанды.
Ал Гұсман Қырғызбаев (дзюдо) пен Александра Ле (мылтықтан атудан) — жарысқа қатысуына байланысты шараға келе алмады. Олардың пәтерлері шетелден оралған соң табысталмақ.
Спорт министрлігі де қаржылай қолдау көрсетті
Қазақстан Республикасының Туризм және спорт министрлігі 25 сәуір күні Олимпиада және Паралимпиада жүлдегерлеріне ақшалай сыйақылардың толық аударылғанын мәлімдеді.
Бұған дейін не болған еді?
2024 жылдың соңында қоғамда үлкен дау туындаған болатын. Себебі Олимпиадада ел намысын қорғап, жүлде алған кейбір спортшыларға баспана уақтылы берілмегені туралы ақпарат тараған еді. Әсіресе Назым Қызайбай мен Ислам Сатпаевтың жағдайы көпшіліктің наразылығын тудырған.