Әділбек Мусин Франциядағы халықаралық турнирде күміс медаль жеңіп алды

Францияның Канет қаласында жүзуден Mare Nostrum Swim Tour 2025 халықаралық турнирінде Қазақстан құрамасы алғашқы жүлдесін жеңіп алды. Ел намысын қорғаған Әділбек Мусин 100 метрге баттерфляй әдісімен жүзуде күміс медальға ие болды.

Жарыс нәтижесі:

1. Максим Груссе (Франция, Париж Олимпиадасының қола жүлдегері) — 51.40 секунд 
2. Әділбек Мусин (Қазақстан) — 51.82 секунд
3. Роман Шевляков (бейтарап атлет, эстафетадан әлем чемпионы) — 51.93 секунд

53 елден келген мықтылар арасындағы бәсеке

Биылғы турнирге әлемнің 53 мемлекетінен 600-ден астам спортшы қатысуда. Ауқымды додада жүлделі орынға ие болу кез келген жүзгіш үшін үлкен жетістік. Әділбектің бұл көрсеткіші оның әлемдік деңгейдегі спортшы екенін тағы бір мәрте дәлелдеді.