Қазақстандық жүзуші халықаралық турнирде қос "күміске" ие болды
26.05.2025, 13:23
Әділбек Мусин Францияның Кан-ан-Руссийон (Cannes-sur-Roussillon) қаласында өткен беделді халықаралық турнирде екі бірдей күміс медаль жеңіп алды.
olympic.kz
Жүлделер баттерфляйда бұйырды
Жарыстың алғашқы күнінде Мусин 100 метр қашықтықта баттерфляй әдісімен жүзуде екінші нәтиже көрсетті.
Кейінірек өткен 50 метрлік баттерфляй жарысында да Әділбек финалға сәтті өтіп, тағы бір күміс медальді қанжығасына байлады. Бұл қашықтық Мусиннің негізгі күшті тұсы ретінде танылып келеді.
Қазақстан рекордын жаңартқан спортшы
Айта кетейік, жақында өткен Қазақстан чемпионатында Әділбек Мусин дәл осы 50 метрлік баттерфляй қашықтығында жаңа ұлттық рекорд орнатқан. Ол сол нәтижесін халықаралық жарыста да жоғары деңгейде қайталап отыр.