Қазақстан құрамасы әлем кубогында сенсация жасады
15.06.2025, 16:00
Қазақстан құрамасы Қытайда өткен көркем жүзуден Әлем кубогының суперфиналында үздік үштікке енді.
sportarena.kz
Қытайдың Сиань қаласында көркем жүзуден өткен суперфиналда қазақстандық спортшылар әлемдік рейтингте үздік үштікке енді.
Қазақстан қола жүлдегер атанды
Әлем кубогының суперфиналында Қазақстан құрамасы тарихи нәтижеге қол жеткізді. Бұл туралы ҚР Ұлттық олимпиадалық комитеті хабарлады.
"Микст-дуэт" бойынша үздік үштікке енді
Микст-дуэт (аралас жұп) санатында өнер көрсеткен Артур Майданов пен Валерия Столбунова жұбы дүниежүзілік рейтингте үшінші орынға көтеріліп, Қазақстанға қола медаль әкелді.
Бұл жетістік — еліміздің көркем жүзу тарихындағы маңызды сәттердің бірі. Алғаш рет Қазақстан аралас жұптар жарысында әлемнің үздік үштігіне енді.