Эритреялық велошабандоз Хенок Мулубрахан Қытайдағы беделді "Цинхай көлінің турында" жеңімпаз атанды.
Жарыстың финалдық кезеңі Сихайчжэньде өтті. Қашықтығы 121,3 шақырым болатын кезең жаппай спринтпен аяқталып, жаңазеландиялық Аарон Гейт үшінші орынға ие болды.
Осы сәтте XDS Astana Development Team шабандозы Сантьяго Умба тактикалық тұрғыдан маңызды рөл атқарды. Ол соңғы күні екі аралық спринтте жеңіп, құнды бонус секундтар алып, Хенок Мулубраханның көшбасшылығын сақтап қалуға үлес қосты.
Хенок Мулубрахан тек жалпы есепте емес, ұпайлар классификациясында да топ жарды. Бұл оның тұрақты және мықты өнер көрсетуінің дәлелі болды.
Онымен бірге Харольд Мартин Лопес те үздіктер қатарынан көрініп, үшінші орынға ие болды.