Қазақстандық атлет допингтен кейін алтын медаль жеңіп алды

65 келідегі жаңа чемпион

6–8 тамыз күндері өтіп жатқан турнир Қазақстанның еңбек сіңірген жаттықтырушысы Вилорий Пакты еске алуға арналған жарыс ретінде ұйымдастырылған.

65 келі салмақ дәрежесінде сынға түскен Анатолий Савельев (Алматы облысы) Қызылорда төрінде басты фаворит – жастар арасындағы әлем чемпионы Бейбарыс Ерсейітті артта қалдырып, чемпион атанды.

Бұл – Савельев үшін тек алтын емес, өз мансабын қайта бастаған тарихи сәт.

Екі жыл дисквалификацияда болған

Еске сала кетейік, Анатолий Савельев екі жыл бұрын жарыстардан шеттетілген. Жаза мерзімі 25 сәуірде аяқталды.

Савельев туралы не білеміз?

• Туған күні: 6 қаңтар 2000 жыл
• Туған жері: Текелі, Алматы облысы
• Салмақ дәрежесі: 62 және 65 келі
• Жетістіктері:

• 2017 жылғы жастар арасындағы әлем чемпионы

• Азия чемпионатының күміс жүлдегері (U20, 2017)

• Азия чемпионатының жеңімпазы (жастар, 2017)

• Халықаралық дәрежедегі спорт шебері