Дмитрий Бивол ескі жарақатына операция жасатты
Ресейлік кәсіби боксшы Дмитрий Бивол беліндегі он жылдан аса уақыт мазалап келген ескі жарақатына байланысты операция жасатқанын мәлімдеді.
Спортшының мәлімдемесі
“Дәрігердің қатаң ұсынысымен он жылдан бері мазалап жүрген ескі бел жарақатына ота жасауға тура келді. Әрбір дайындық лагерінде жағдай нашарлап бара жатты. Операция сәтті өтті. Қазір өзімді әлдеқайда жақсы сезініп отырмын. Алда 6-8 апталық қалпына келу кезеңі, содан кейін жаттығуларға оралуды жоспарлап отырмын. Қолдау көрсеткендеріңізге алғыс айтамын. Келер жылы жаңа сын-қатерлерді асыға күтемін!”, – деп жазды Бивол.
Соңғы жетістігі
Еске сала кетейік, 23 ақпанда Эр-Риядта (Сауд Арабиясы) өткен жекпе-жекте Дмитрий Бивол Артур Бетербиевті көпшілік төрешілердің шешімімен жеңіп, жартылай ауыр салмақта абсолютті әлем чемпионы атанған еді.