ТМД-ның III ойындары: қазақстандық жүзушілер 19 медаль жеңіп алды
Әзербайжанның Гянджа қаласында ТМД елдерінің III ойындарында жүзуден соңғы жүлделер сарапқа салынды
Қазақстандық спортшылар 4 сайыс түрінде өнер көрсетіп, 2 күміс пен 1 қола медаль иеленді.
Жеңімпаздар:
- Таисия Короткова (комбинациялы жүзу, 400 м) — күміс
- Қазақстан құрамасы (ерлер, эстафета 4×100 м, комбинациялы жүзу) — күміс
- Қазақстан құрамасы (микст, эстафета 4×100 м, комбинациялы жүзу) — қола
Гянджада жүзуден жарыс 5 күнге созылды. Барлық күннің қорытындысы бойынша Қазақстан құрамасы 9 күміс және 10 қола жүлде жеңіп алды. Команданың көшбасшыларының бірі Таисия Короткова жоғары деңгейдегі дайындықты көрсетіп, жеке және командалық сайыстарда 9 медаль еншіледі.
Кешенді жарыстар Әзербайжанның жеті қаласында (Гянджа, Евлах, Мингечевир, Габала, Шеки, Гёйгёль және Ханкенди) өтуде. Биыл ойындарға 13 елден 1600-ден астам спортшы қатысып, 23 спорт түрінен жүлделер сарапқа салынуда.
Қазіргі уақытта Қазақстан жалпыкомандалық есепте 5-орында, қоржынында — 2 алтын, 13 күміс және 24 қола медаль бар.