Ватерполдан ерлер құрамасы Азия чемпионатында үздіктер қатарынан көрінді. Біріншілік Үндістанның Ахмедабад қаласында өтті.
Шешуші ойында спортшыларымыз Жапония құрамасымен қола медаль үшін бақ сынады. Тартысты өткен матчта қазақстандықтар қарсыластарын 16:14 есебімен жеңіп, құрлық біріншілігінің қола жүлдесін иеленді.
Команда капитаны Михаил Рудай бұл ойында нағыз шеберлік танытып, 8 гол соқты.
Сондай-ақ, Алексей Шмидер мен Мстислав Бобровский дубль орындаса, Эдуард Цой, Мұрат Шәкенов, Алдияр Әкімбай және Руслан Ахметов бір-бірден гол енгізді.
Айта кетейік, бұған дейін Қазақстан әйелдер құрамасы да дәл осы турнирде қола жүлде иеленген.
Әйелдер арасында Қытай құрамасы чемпион атанып, финалда Жапонияны 22:17 есебімен тізе бүктірді.
Ал ерлер финалында да Қытай командасы үздік шығып, Ираннан пенальти сериясында басым түсті.