Қазақстан шағын футболдан ӘЧ Франциямен тең түсті

Қазақстан Франциямен ұпай бөлісті

Ойынды негізінен қазақстандықтар бақылауда ұстап, допқа иелік ету және шабуыл саны бойынша басым болды.

34-минутта алыстан бағытталған соққымен Қуаныш Бегалин есеп ашты. Ол айып алаңынан сәл сыртта тұрып, допты қақпаның алыс бұрышына дәл бағыттады.

Алайда Қазақстан құрамасының басымдығы ұзаққа созылмады. 37-минутта франциялықтар қарымта шабуыл ұйымдастырып, таразы басын теңестірді. Қалған уақытта қос құрама да жеңіс голын соғуға тырысқанымен нәтиже өзгермеді.

Келесі қарсылас – Уругвай

3 желтоқсан күні Қазақстан құрамасы топтағы екінші ойынын Уругвайға қарсы өткізеді. Бұл матч турнирдегі жағдайға айтарлықтай әсер ететін шешуші кездесулердің бірі болмақ.

Топтағы тағы бір ойында Нидерланд құрамасы Уругвайды 3:1 есебімен жеңді.

TUI Socca World Championships 2025 турнирінің қожайыны – Мексика құрамасы. Ол дәстүрлі түрде фавориттердің қатарында аталады.

Жоғары орындарға үміткерлер қатарында:

• Қазақстан – 2023 жылғы әлем чемпионы
• Оман – 2024 жылғы әлем чемпионы
• АҚШ – соңғы уақытта құрамын айтарлықтай күшейткен команда