Қазақстанның №1 мәнерлеп сырғанаушысы Загребтегі турнирден кейін әлемдік тізімде бірнеше сатыға көтерілді
Қазақстандық мәнерлеп сырғанаушы Софья Самоделкина Хорватия астанасы Загребте өткен беделді халықаралық Golden Spin of Zagreb-2025 (ISU Challenger Series) турнирінде қола медаль иеленіп, мансабындағы маңызды нәтижелердің біріне жетті.
18 жастағы спортшы қысқа бағдарламада жетінші орынға тұрақтағанымен еркін бағдарламада айқын алға жылжып, жалпы есепте үздік үштікке кіре алды. Екі бағдарламаның қорытындысы бойынша Самоделкина 182,63 ұпай жинап, турнирді үшінші орынмен аяқтады.
Загребтегі сәтті өнер көрсету Софьяның ISU әлемдік рейтингіндегі жағдайына тікелей әсер етті.
Осылайша Самоделкина бар-жоғы бір айдың ішінде әлемдік тізімде 13 сатыға жоғарылап, Қазақстан мәнерлеп сырғанауы үшін тарихи маңызы бар нәтижеге қол жеткізіп отыр.