Олимпиада-2026: Билеттерді қайдан алуға болады және бағасы қанша?

Билеттерді қайдан сатып алуға болады?

Ұйымдастырушылардың ескертуі қатаң: билет тек ресми арналар арқылы ғана сатылады.

Ресми екі жол бар:

1. Milano Cortina 2026-ның ресми билет платформасы (жалғыз билет дүкені ретінде көрсетілген). 
2. Халықаралық Олимпиада комитетінің ресми hospitality серіктесі On Location (пакет/қызметі бар ұсыныстар). 

Үшінші сайттар мен “делдалдар” арқылы алынған билеттер жарамсыз болып, аренаға кіргізбей қою қаупі бар. 

Сатып алу қалай жүреді?

• Билеттер жеке жарысқа/сессияға сатылады (бір күндік абонемент емес). 
• Сатып алу үшін аккаунт ашып, тіркелу қажет. 
• Бір аккаунтқа лимит бар: жалпы 25 билетке дейін, бір сессияға 10 билетке дейін, ал салтанатты рәсімдер мен сұранысы жоғары бәсекелерге 4 билетке дейін ғана. 

Бағалар қанша? Негізгі диапазон

Ресми прайсқа сай, Олимпиада билеттері 30 еуродан басталады. Билеттердің 20%-дан астамы 40 еуродан арзан, ал 57%-ы 100 еуроға дейін.

Кей спорт түрлерінен мысалдар (ресми тізімнен):

• Биатлон: 50–200 € 
• Тау шаңғысы: 100–220 €
• Шорт-трек: 150–450 € 
• Конькимен жүгіру: 180–280 € 
• Ерлер хоккей финалы: ең жоғары санат 1 400 € 

Салтанатты рәсімдер:

• Ашылу салтанаты: 260–2 026 €

• Жабылу салтанаты: 950–2 900 €

Ал мұз айдынындағы ең қымбат бағыттардың бірі — мәнерлеп сырғанау: бағалар көбіне категорияға қарай өседі (шамамен 280–1 200 € диапазоны аталады).

Орын санаттары және билет форматы

Билеттер әдетте A–D санаттарымен беріледі:

• A — ең қымбат, көрінісі/орны ең ыңғайлы;
• B — баға мен көрініс балансы;
• C/D — қолжетімді нұсқалар (көбіне жоғары ярус/шеткі секторлар). 

Ең маңыздысы: қағаз билет болмайды. Кіру тек Tickets MilanoCortina2026 ресми қосымшасы арқылы жүзеге асады, QR-код сессия басталуына 24 сағат қалғанда ашылады.