Қазақстанның ең танымал фристайлшы қыздарының бірі, 2018 жылғы Қысқы Олимпиада ойындарының қола жүлдегері Юлия Галышева Олимпиададағы спорттық жолын ресми түрде тәмамдады.
Юлия Галышева 2026 жылғы Олимпиадада Қазақстан құрамасының сапында параллель могул дисциплинасында бақ сынады. Бірақ ширек финалға өте алмады. 1/8 финалда әлем чемпионатының күміс жүлдегері, жапониялық Хинако Томитакеден жеңіліп қалды.
Өз нәтижесіне баға берген Галышева мансабында басты атақтардың басым бөлігі бар екенін атап өтті. Айтуынша, тек жалпы есептегі жеңіс толық болмай тұр.
“Менде жалпы есептен басқа бәрі бар. Соған ризамын”, — деді спортшы.
Юлия Галышева үшін ең құнды жетістіктің бірі — Олимпиада жүлдесі екенін жасырмады. Оның сөзінше, қола медальдің салмағы жеке өзі үшін ерекше.
“Иә, ол алтын да емес, күміс те емес — қола. Бірақ мен үшін бұл алтынмен бірдей. Жеке могулда қола алу — өте үлкен еңбек”, — деп бөлісті ол.
Фристайлшы Олимпиада Италиядағы ойындар оның соңғы Олимпиадасы болғанын нақты айтты. Дегенмен маусымды бірден тоқтатпайды. Жарыс маусымы әлі қызып тұр.