Чемпиондар лигасы: Бүгін "Семей" жартылай финал жолдамасы үшін таласады

Бүгін, 6 наурыз күні футзалдан УЕФА Чемпиондар лигасының ширек финалы аясында қарымта матч өтеді. "Семей" клубы өз алаңында франциялық "Этуаль" командасын қабылдайды.

Матчтың тікелей трансляциясы

"Семей" – "Этуаль" кездесуі Қазақстан уақыты бойынша 20:00-де басталады.

Матчтың тікелей трансляциясы "Qazsport" телеарнасынан көрсетіледі.

Бірінші матч қалай өтті?

Командалар арасындағы алғашқы ойын Францияның Лаваль қаласында өтті. Тартысты кездесуде алаң иелері 5:4 есебімен жеңіске жетті.

Матч барысында "Семей" командасы 4:1 есебімен алда тұрған, алайда ойын соңында қарсылас камбэк жасап, жеңісті жұлып алды.

Қазақстандық клуб сапында гол соққан ойыншылар:

• Бруно Гомес – 1 және 12-минуттар
• Кайо Торрес – 3-минут
• Педриньо – 24-минут

Ал "Этуаль" сапында:

• Биляль Баккали – хет-трик (9, 33, 39)
• Абдессамад Мохаммед – 36-минут
• Суфьян Эль-Месрар – 39-минут

Сонымен қатар 37-минутта "Семей" сапындағы Кайо Торрес қызыл қағаз алып, алаңнан қуылды.