Қазақстандағы заңды букмекерлік кеңселердің клиенттері қаражат салу мен алу шектеулеріне тап болды: Olimpbet түсініктемесі

Olimpbet "Nomapay" ЖШС-мен келісімшарт жасасты және ЕСУ — ойын бизнесі саласындағы Бірыңғай есепке алу жүйесімен интеграциялау процесінде.

4 наурыз күні ешқандай алдын ала ескертусіз Қазақстан банктері букмекерлік кеңселердегі клиенттердің жеке әмияндары арқылы қаражат енгізу және шығару операцияларын тоқтатты.

Бізге алдын ала хабарланбады. Соның салдарынан клиенттерге дер кезінде ақпарат беру мүмкіндігінен айырылдық. Бұл жағдай тек заңды букмекерлік брендтерге ғана емес, жалпы қаржы жүйесіне деген сенімге де кері әсер етті.

Қазақстан Республикасының Туризм және спорт министрлігіне — саланың реттеушісі ретінде — ЕСУ жүйесімен интеграция аяқталғанға дейін төлем ұйымдары мен екінші деңгейлі банктермен жұмысты қалпына келтіруге жәрдемдесу туралы ашық өтініш жасаймыз.

Интеграцияға бөлінген уақыт мұндай деңгейдегі жүйені пайдаланушы үшін сапалы түрде іске асыруға жеткіліксіз.

Olimpbet қалыптасқан жағдайдың ықтимал салдары туралы қоғамды хабардар етуді маңызды деп санайды және заңды сектордың тұрақты жұмысы ел экономикасы, спорт және цифрлық инфрақұрылым үшін аса маңызды екенін атап өтеді.

1. Салық төлемдері: бюджетке қосқан үлес

Olimpbet — өңірдегі ең ірі салық төлеушілердің бірі.

2025 жылдың қорытындысы бойынша компания бюджетке шамамен 40 млрд теңге аударды, ал 2020–2025 жылдар аралығында — 230 млрд теңгеден астам қаражат төледі.

Заңды нарықтың тұрақты жұмысы осындай түсімдердің жүйелі түрде түсуін қамтамасыз етеді. Сондықтан қазіргі шектеулерді мүмкіндігінше қысқа мерзімде реттеу маңызды.

2. Спортты қолдау

Olimpbet қазақстандық спорттың дамуына белсенді инвестиция салады. Себебі біз барлығымыз спортшыларымыздың жеңістерімен бірге мақтанғымыз келеді.

• Футбол: Қазақстан футбол федерациясымен титулдық серіктестік, ұлттық құрамаларды қолдау және төрешілікті халықаралық деңгейге көтерген VAR жүйесін енгізу.
• Жекпе-жек спорттары: Alash Pride, NAIZA және RD Boxing промоушендерін қолдау. Бұл жас спортшыларға дамуға және кәсіби мансап құруға мүмкіндік береді.
• Киберспорт: MPL by Olimpbet және Female Pro League турнирлері Қазақстанға әлемнің түкпір-түкпірінен командаларды тартады.

Заңды нарықтың тұрақты жұмысы осындай жобалардың тұрақтылығына және спортқа ұзақ мерзімді инвестицияларға тікелей әсер етеді.

Біздің мақсатымыз — клиенттер алдындағы уәделерімізді орындау, заңды спорттық бәс тігу нарығының тұрақты жұмысын қамтамасыз ету, салық түсімдерін қолдау, спортқа және Қазақстандағы цифрлық бастамалардың дамуына инвестиция салуды жалғастыру.

Біз реттеуші орган біздің үндеуімізді естіп, қолдау көрсетеді деп үміттенеміз.