Қазақстан футзалдан әлем чемпионатында сенсация жасады
Өзбекстанда өтіп жатқан әлем біріншілігінде ұлттық құрама өзінің алғашқы ойыны Испанияға қарсы өткізген болатын.
Кездесудің фавориті Испания болды. Аталған құрама турнирдің екі дүркін чемпионы.
Қазақстан құрамасы алаңға мынадай құраммен шықты: Игита, Лео, Оразов, Тұрсагұлов, Дуглас — Серіков, Кнауб, Абдуманапұлы, Валиуллин, Түреғазин, Есенаманов, Дарибай, Акбаликов, Рашит.
Қазақстандық футзалшылар ойынның бесінші секундында есеп ашты. Осыдан кейін қарсылас команда шабуылын үдете түсті. Ақырында Испания құрамасы таразы басын теңестіріп, командалар үзіліске кетті. Екінші таймда да басымдық испандарда болды. Алайда еш нәтиже бермеді. Осылайша матч 1:1 есебімен аяқталды.
Айта кетейін, Қазақстан құрамасы келесі кездесуін сәрсенбі күні өткізеді. Кака шәкірттері Ливия футзалшыларымен ойнайды.