Бразилия - футзалдан әлем чемпионы

Өзбекстанда өткен әлем біріншілігінің финалдық кездесуінде Бразилия құрамасы Аргентинаға қарсы ойнады. 

Кездесу алғашқы таймында бразилиялық құрама екі гол соқты. Алтыншы минутта Феррао мергендік танытты. Араға 7 салып, Рафа есепті еселей түсті. 

Ал 39-шы минутта аргентиналық Матиас Роза есеп айырмасын қысқартты. Бірақ таразы басын теңестіруге еш мүмкіндік болған жоқ. 

Осылайша, тартыс кездесу 2:1 есебімен аяқталып, Бразилия алты дүркін әлем чемпионы атанды. Соңғы рет бұл құрама жеңіс тұғырына 2012 көтерілген еді.

Өз кезегінде Аргентина осымен екінші рет қатарынан әлем чемпионатының күміс жүлдесін қанағат етуге мәжбүр. 

Айта кетейік, байрақты бәсекенің қола жүлдесі Украинаға бұйырды.