Қазақстандық төрт мерген әлем кубогінде бақ сынайды
16.10.2024, 10:42
Үндістан астанасы Нью-Делиде спорттық атудан әлем кубогінің финалдық кезеңі басталды.
olympic.kz
Үндістан астанасы Нью-Делиде спорттық атудан әлем кубогінің финалдық кезеңі басталды. Оған төрт қазақстандық спортшы шақырту алды.
Оқпен атудан Никита Чирюкин және Константин Малиновский қатысады. Ал Мария Дмитриенко мен Әсем Орынбай стенд атудан бақ сынайды.
Айта кетейік, қатысушылар арасында Париж Олимпиадасының жүлдегерлері, былтырғы Әлем кубогінің жеңімпаздары, сондай-ақ, әлемдік рейтингте жоғары орындарда тұрған мергендер бар. Бұдан бөлек, турнирге арнайы шақырту бойынша келген спортшылар да бар.