Түркияда тоғызқұмалақтан әлем біріншілігі басталды
12.11.2024, 22:09
Оған әлемнің 14 елінен 100-ге жуық спортшы қатысып жатыр.
golos-naroda.kz
Түркия астанасы Анкарада тоғызқұмалақтан VIІ Әлем чемпионаты басталды. Оған әлемнің 14 елінен 100-ге жуық спортшы қатысып жатыр.
Ұлттық және ат спорты түрлері орталығы өкілдерінің хабарлауынша, жарысқа Қазақстан, Қырғызстан, Латвия, Моңғолия, Өзбекстан, Румыния, Түркия, Испания , Франция, Чехия , Украина, Грузия, Венгрия мен АҚШ елдерінің кіл мықтылары жиналған.
VII Әлем біріншілігінде спортшылар тоғызқұмалақтың классика, рапид және блиц түрлері бойынша бақ сынайды. Жарыста ел намысын 12 спортшымыз қорғайды.