Қазақстандық каратэшілер Мәскеуде топ жарды
Бүгін, 10:18
Ресей астанасында Moscow Karate Universe-2024 халықаралық жарыс өткен болатын.
astanatv.kz
Қазақстандық каратэшілер Мәскеуде өткен халықаралық турнирінде табысты өнер көрсетті.
Ұлттық құрама мүшесі Мөлдір Жаңбырбай 50 келіге дейінгі салмақ дәрежесінде алдына жан салмай, жеңіс тұғырынан көрінді. Софья Берульцева (+68 кг) мен Никита Тарнакин (-84 кг) де жарыста жеңімпаз атанды.
Ал Гүлмира Үсенова (-55 кг) мен Лаура Сағынбек (-68 кг) Мәскеуден күміс жүлдемен қайтатын болды.
Өз кезегінде Диас Анарбеков (+84 кг), Жоламан Биғабыл (-60 кг) және Данияр Юлдашев (-84 кг) "қолаға" қанағат тұтты.
Айта кетейік, аталған жарысқа барлығы 31 елден 329 спортшы қатысты.