Қазақстандық Никита Чирюкин Азия рейтингінде көшбасшысы атанды
21.11.2024, 11:15
Чирюкин 25 метрден жылдам атылатын тапаншамен оқ атудан 1500 ұпай жинап, көшбасшылық орнын сақтап отыр.
olympic.kz
Оқ атудан Қазақстан құрамасының спортшысы Никита Чирюкин Азияның жаңартылған ASC рейтингінде бірінші орынға тұрақтады. Бұл туралы Olympic.kz хабарлады.
Чирюкин 25 метрден жылдам атылатын тапаншамен оқ атудан 1500 ұпай жинап, көшбасшылық орнын сақтап отыр.
Сонымен қатар, үздік ондыққа қазақстандық Константин Малиновский де енді. Ол 50 метрден кіші калибрлі мылтықпен үш позициядан оқ ату бойынша бесінші орында.
Әйелдер арасында дәл осы дисциплинада Александра Ле жетінші орынды иеленді.
Ал Валерий Рахимжанов пневматикалық тапаншамен 10 метрден оқ ату бойынша рейтингтің бесінші сатысына орналасты.