Қазақстандық төреші әлем чемпионатында қызмет ету құқығына ие болды
25.11.2024, 14:26
Ол сондай-ақ, Олимпиадада да төрелік ете алады.
olympic.kz
Халықаралық үстел теннисі федерациясының төрешілер комитеті Тимур Ходжаевқа Blue Badge санатындағы төреші атағын берді. Бұл туралы Olympic.kz хабарлады.
Бұл - қазақстандық маманның жоғары біліктілігін көрсетеді. Осындай атағы бар мамандар ғана әлем чемпионаты, Азия мен Еуропа біріншіліктері және Олимпиада ойындары секілді ірі додалардың шешуші кезеңдерінде төрелік етеді.
Айта кетейік, Тимур Ходжаев Қазақстанның Ашық командалық чемпионатының ұйымдастыру комитетінің директоры. Сонымен қатар ITTF Grand Finals Astana 2017 жартылай финалдарының бас төрешісі болды. Астанада өткен Азия чемпионатында төрелік етті.