Балалар спортына бөлінген қаражат ұрланды
04.12.2024, 21:25
Көкшетау қаласының прокуратурасы спорт секцияларын қолдауға арналған бюджет қаражатынның қолды болғанын әшкереледі.
aikyn.kz
"Artsport және DamuBala бағдарламалары шеңберінде балаларға, оның ішінде мүгедектігі бар балаларға арналған спорт секцияларын дамытуға бөлінген бюджет қаражатын ұрлау бойынша қылмыстық схемалар анықталды", - деп хабарлады құзырлы орган өкілдері.
Мәселен Көкшетаудағы мемлекеттік тапсырысты жеткізушілердің бірі орындалған жұмыстар туралы құжаттарды ұсынған. Бірақ балалар сол спорттық сабақтарға мүлдем қатыспаған.
Осыған байланысты прокуратура алаяқтық жасады деген күдікпен қылмыстық іс қозғады. Қазір сотқа дейінгі тергеу жүргізілуде.