Қазақстандық спортшы әлем чемпионатында топ жарды
Оған 5 құрлықтан келген 40 елдің командасы қатысты.
Венгрия астанасы Будапештте функционалдық көпсайыстан өткен «Super World-2024» әлем чемпионатында отандасымыз Роман Джантлеев алтын медаль иеленді. Осылайша, Роман өз жас категориясында 3 дүркін әлем чемпионы атанды.
Тағы бір қазақстандық спортшы Валентин Лукановский үздік 7 спортшысының қатарына көріне білді. Ал Максат Оспанов мұндай деңгейдегі жарыстарға алғаш рет қатысып, 12-орынға ие болды. Айта кетейік, Будапешт қаласындағы «Super World-2024» әлем біріншілігі 13-15 желтоқсан күндері өтті.
Оған 5 құрлықтан келген 40 елдің командалары, 800-ден астам спортшы қатысты. Жарыстың құрылымы 6 тапсырмадан тұрды. Әр күні 2 сынақ өткізілді: төзімділік, аралас кешен, күш, өз салмағымен жұмыс, шеберлік және қуат.