Ішінде қазақстандық футбол командасы болған ұшақ шұғыл қонуға мәжбүр болды
08.01.2025, 21:19
Ақтау әуежайына "Жетісу" ФК ұшқан Airbus A321 ұшағы қонуға мәжбүр болды.
фото ашық дереккөздерінен алынды
Талдықорғандық футболшыларды оқу-жаттығу жиындарына апара жатқан ұшақ Алматы – Анталия бағыты бойынша рейс орындаған.
Шұғыл қону техникалық себептерге байланысты жасалды. Рейс 9 қаңтар күні таңға шегерілді.
Жолаушыларды тамақтандыру және қонақ үйде орналастыруды Air Astana өз мойнына алды, деп хабарлайды компанияның баспасөз қызметі.