Бибісара Асаубаеваның ФИДЕ Гран-приіндегі матчы күтпеген нәтижемен аяқталды
21.02.2025, 11:44
Қазақстан шахмат құрамасының көшбасшысы Бибісара Асаубаева Монакода өтіп жатқан ФИДЕ Гран-при турнирінің үшінші турында ресейлік Александра Горячкинаға қарсы тартысты ойында жеңіліп қалды.
chesswood.ru
Қазақ және ресейлік шахматшылар арасындағы партия 5,5 сағатқа жалғасты. Бұған дейін Бибісара екі ойында тең түскен болатын.
Үш тур қорытындысы бойынша Асаубаева 1 ұпай жинап, 9-орынға орналасты. Бұл нәтиже оның келесі турларда жоғары орындарға көтерілу мүмкіндігін сақтап отыр.
Төртінші турда Бибісара Асаубаева Үндістан өкілі Харика Дронаваллиге қарсы ойнайды. Бұл матч спортшы үшін маңызды болмақ.
