Бокстан үш дүркін әлем чемпионы Назым Қызайбай әлеуметтік желіде бұрынғы әзіл-ролигін қайта еске түсіріп, жанкүйерлерді бір күлдірді.
Назым Қызайбай өзінің бір жыл бұрын түсірген видеосын қайта жариялап, жанкүйерлер назарын аудартты. Роликте атақты боксшы бәс тіккен командаластарын жеңіп, әрқайсысына классикалық «щелбан» беріп жатыр.
Қыздар күлкі аралас ауырсынған дауыспен:
«Ой, қатты екен! Жедел жәрдем шақырыңдар», – деп қалжыңдайды.
Бір сәтте камера ракурсы өзгеріп, кадрға екі дүркін әлем чемпионы Аида Әбікеева түседі. Ол да Қызайбайдың «жазалауынан» қалыс қалмай, дәл маңдайына саусақпен тиген соққыны алады.
Видео дыбысынан-ақ Назымның саусақтарының нағыз боксшыға тән қуатқа ие екені байқалады.
Назым Қызайбай жариялаған видеосына қысқа ғана:
«Қандай күлкілі», – деп жазба қалдырған.
Бұл қысқа реплика роликтің көңілді атмосферасын дәл берді.