Португалия құрамасының және саудиялық «Әл-Наср» клубының 40 жастағы шабуылшысы Криштиану Роналду жекпе-жек ұйымы WOWfc-тің үлескері болғанын ресми түрде жариялады. Оны Х әлеуметтік желісіндегі парақшасында жазды
Криштиану Роналду жаңа мәртебесі туралы жазбасында бұл қадамның оның жеке құндылықтарымен тікелей байланысты екенін атап өтті:
«Маңызды жаңалықты қуана бөлісемін: мен WOWfc промоушенінің акционері боламын! Бұл ұйыммен мен терең сенетін құндылықтарымыз ортақ: тәртіп, құрмет, беріктік және мінсіздікке ұмтылу. WOWfc ерекше әрі қуатты жобаны қалыптастырып жатыр, мен осы істің бір бөлігі болғаныма мақтанамын. Бұл спорттың дамуына көмектесіп, жаңа буынға шабыт береді», – деп жазды Роналду.
Осылайша Криштиану Роналду футболдан бөлек, жекпе-жек индустриясында да маңызды фигуралардың біріне айналып келеді.
WOWfc – жекпе-жек спортын заманауи форматта дамытуды мақсат тұтатын промоушен.
Роналдудың жобаның бір бөлігіне айналуы WOWfc брендіне де, жалпы промоушенге де қосымша қызығушылық тудыруы мүмкін.