Қазақстандық теннисші Португалиядағы турнирде қарсыласын талқандады
28.04.2025, 20:33
Денис Евсеев (ATP рейтингінде 258-орында) Эшторилде (Португалия) өтіп жатқан Челленджер турнирінде сәтті өнер көрсетті.
NUR.KZ
Іріктеу кезеңінің жартылай финалында Евсеев үндістандық Манас Дхамнемен (760-орын) кездесіп, қарсыласын екі сетте ойсырата жеңді — 6:0, 6:3. Ойын небәрі 1 сағат 4 минутқа созылды.
Турнирдің негізгі торына өту үшін Денис енді италиялық Джованни Фониомен (372-орын) күш сынасады.
Эшторилдегі турнирдің жалпы жүлде қоры — 227 270 еуро. Чемпион атанған спортшы 34 900 еуро табыс табады және 175 ATP рейтингілік ұпайын иеленеді.
Турнирдің басты фавориті — ATP рейтингінде 19-орында тұрған канадалық Феликс Оже-Альяссим саналады. Ол турнирде бірінші нөмірлі болып тіркелген.