Юлия Путинцева Ресейдің үздік теннисшісімен кездеседі
Қазақстанның екінші ракеткасы, әлемдік рейтингте 31-орында тұрған Юлия Путинцева Париждегі "Ролан Гаррос" турнирінің үшінші айналымына жолдама алды.
Екінші кезеңде сенімді жеңіс
Юлия Путинцева екінші раундта Қытай Тайбэйінің спортшысы Джоанна Гарлендті (WTA 175) екі сетте жеңіске жетті — 7:6, 6:3. Қарсыласы рейтингте төмен тұрғанымен матч күрделі әрі шиеленісті өтті. Әсіресе бірінші сет тай-брейкке дейін жетті. Бірақ Путинцева тұрақты ойын көрсетіп, жеңісті жұлып алды.
Келесі қарсылас — Ресейдің №1 теннисшісі
Үшінші кезеңде Юлияның қарсыласы — WTA рейтингінде 6-орында тұрған Ресейдің жас жұлдызы Мирра Андреева болмақ. Андреева бүгінгі матчта АҚШ теннисшісі Эшлин Крюгерді (35) еш қиындықсыз ұтып шықты — 6:3, 6:4.
Турнир жайлы
"Ролан Гаррос" — маусымдағы ең беделді турнирлердің бірі, 25 мамыр мен 7 маусым аралығында Франция астанасы Парижде өтіп жатыр. Турнирдің жалпы жүлде қоры — 56 352 000 еуро. Жекелей сында чемпион атанған спортшы 2 550 000 еуро мен 2000 рейтингтік ұпайға ие болады.