Қазақстандық теннисші Александр Бублик Парижде өтіп жатқан беделді ATP Masters 1000 турнирінің үшінші кезеңінде үлкен сенсацияға жетті. Ол америкалық Тэйлор Фритцті сенімді түрде жеңіп, келесі айналымға өтті.
Кездесу 1 сағат 28 минутқа созылып, тартысты өтті. Нәтижесінде Бублик матчты 7:6, 6:2 есебімен өз пайдасына аяқтады.
Бублик пен Фритц бір-бірін жақсы біледі. 2019 жылдан бері олар алты рет кортта жолыққан. Бұған дейінгі есеп тең болған — 3:3. Осылайша Париждегі жеңіс Александрдың пайдасына таразыны аударды.
Төртінші кезеңде Бублик Карен Хачанов (Ресей) пен Алекс де Минор (Аустралия) арасындағы кездесудің жеңімпазымен ойнайды. Бұл матч қазақ жанкүйерлері үшін ерекше қызығушылық тудырып отыр. Себебі Бублик қазіргі кезде өзінің ең үздік формасында.
Айта кетейік, былтырғы Париж Masters турнирінің жеңімпазы — неміс теннисшісі Александр Зверев. Ол финалда франциялық Уго Умберді жеңген.