Қазақстан өкілі жаңа маусымда бұған басты фаворит саналып отыр.
Tennisuptodate.com сайты алдағы маусымда ірі жетістіктерге жетіп, әлемдік рейтингтің үздік үштігіне енуі мүмкін теннисшілер туралы материал жариялады.
Мақала авторы Лукас Михаэльдің пікірінше, Қазақстан өкілі қазіргі таңда әлемнің бесінші ракеткасы саналатын Елена Рыбакина жаңа маусымда топ-3-ке қайта оралуға ең басты үміткерлердің бірі.
«Аманда Анисимова ғана емес, Елена Рыбакина да топ-3-ке оралуға ниетті. Рыбакина үшін үшінші орынның қандай екенін білеміз — ол бұл көрсеткішке 2023 жылы Australian Open финалына шыққаннан кейін қол жеткізген. „Үлкен дулыға“ турнирінің кезекті финалы оның рейтингте қазіргі бесінші орыннан әлдеқайда жоғары көтерілуіне мүмкіндік береді», — деп жазды автор.
Сарапшылардың айтуынша, WTA Қорытынды турниріндегі сенімді ойынынан кейін Рыбакина маусымның алғашқы «Үлкен дулыға» турнирінің басты фавориттерінің бірі саналады.
Маңызды факторлардың бірі — қазақстандық теннисшіге:
Бұл жағдай оның рейтингтік ұпай тұрғысынан ұтымды жағдайда екенін көрсетеді.
Еске сала кетейік, 2026 жылғы алғашқы «Үлкен дулыға» турнирі — Australian Open — қаңтар–ақпан айларында өтеді. Дәл осы жарыс Рыбакина үшін әлемдік рейтингтегі позициясын айтарлықтай жақсартуға мүмкіндік бермек.