Қазақстанның ең үздік теннисшісі Елена Рыбакина Шыңжаңда өтіп жатқан World Tennis Continental Cup көрме турниріндегі соңғы матчын өткізді.
Бұл жолы қазақстандық спортшы аралас жұптық санатта кортқа шықты. Оның серіктесі ресейлік теннисші Андрей Рублев болды. Қарсы жақта Монако өкілі Валантен Вашеро мен Польша жұлдызы Ига Швентек өнер көрсетті.
Кездесу қорытындысында Рыбакина мен Рублев екі сетте сенімді жеңіске жетті – 6:4, 6:4. Осылайша Елена турнир барысында Швентекке белгілі бір деңгейде реванш жасай алды.
Айта кетейік, дәл осы жарыс аясында Рыбакина жекелей сында да ойнады. Турнирдің алғашқы матчында ол Ига Швентекке 3:6, 3:6 есебімен жол берген еді. Ал бүгін Астана уақытымен таңертең швейцариялық Белинда Бенчичті жеңіп шықты – 6:3, 6:4.