Теннистен Қазақстан әйелдер құрамасының Канадаға қарсы Billie Jean King Cup турнирінің іріктеу кезеңіндегі матчқа арналған құрамы белгілі болды.
10-11 сәуір күндері Астанада Billie Jean King Cup іріктеу матчы өтеді. Қазақстан құрамасы мына теннисшілермен өнер көрсетеді:
Команда капитаны ретінде Юрий Щукин көрсетілген. Бұл құрам халықаралық турнирдің ресми ресурсында жарияланды.
Әлемдік рейтингте жоғары тұрған қазақстандық теннисші Елена Рыбакина бұл жолы Канадаға қарсы матчқа қатыспайды. 2026 жылғы іріктеу кезеңіне арналған ресми құрамда оның есімі жоқ. Қазақстан мен Канада арасындағы кездесу Астанадағы Beeline Arena ұлттық теннис орталығында өтеді.
Қазақстан Billie Jean King Cup аясында 2025 жылғы финалдық кезеңде сәтті өнер көрсетіп, ширек финалға дейін барған еді. Бірақ шешуші кезеңдердің бірінде команда АҚШ құрамасына 1:2 есебімен жол берді. Сол матчта Юлия Путинцева Эмма Наварродан ұтылса, Елена Рыбакина Джессика Пегуланы жеңген.
Billie Jean King Cup — әйелдер құрамалары арасында өтетін халықаралық командалық жарыс. 2026 жылғы іріктеу кезеңінде Қазақстан өз алаңында Канадамен ойнайды, ал жеңімпаз команда қыркүйекте өтетін финалдық кезеңге жолдама алады.