Отандасымыз әлемнің екінші ракеткасы атанды
Қазақстандық теннисші Елена Рыбакина АҚШ-та өтіп жатқан беделді WTA 1000 турнирінде кезекті жеңісіне қол жеткізді. Соның арқасында спорттық мансабында тағы бір белесті бағындырды.
Индиан-Уэллс турнирінің ширек финалында Елена Рыбакина америкалық теннисші Джессика Пегуламен кездесті. Тартысты өткен матчта Елена қарсыласын айқын басымдықпен жеңді. Қорытынды есеп: 6-1, 7-6 (7-4).
Осы жеңісінің арқасында Елена Рыбакина WTA әлемдік рейтингінде екінші орынға көтерілді. Бұл отандасымыздың кәсіби мансабындағы ең жоғары көрсеткіш және Қазақстан теннисі тарихында бұрын-соңды болмаған жетістік.
Айта кетейік, Индиан-Уэллс турнирінің жартылай финалында Рыбакина украиналық Элина Свитолинамен кездеседі.
Бұған дейін Елена Рыбакина 10-11 сәуір күндері Астанада өтетін Billie Jean King Cup іріктеу матчында Қазақстан құрамасына көмектесе алмайтынын хабарлаған едік.