Қытайдағы турнир қазақстандық теннисшілер үшін сәтті басталды

Қытайдағы турнир қазақстандық теннисшілер үшін сәтті басталды. Қазақстанның екінші, әлемнің 35-ракеткасы Юлия Путинцева жекелей сында дүниежүзілік рейтингіде 250-орында тұрған қытайлық Чжан Шуайды 6:4, 6:4 есебімен тізе бүктірді.

Ю.Путинцева екінші айналымда әлемнің 18-ракеткасы, хорватиялық Донна Векичпен шеберлік байқасады.

Жұптық сында өнер көрсететін Анна Данилина да ресейлік Ирина Хромачевамен бірге екінші айналымға өтті. Қазақстандық-ресейлік жұп бастапқы кездесуінде жапониялық Макото Ниномия – ресейлік Яна Сизикованы жолдан тайдырды – 6:4, 6:0.

А.Данилина – И.Хромачеваның келесі қарсыластары – испаниялық Кристина Букша – румыниялық Моника Никулеску.