Юлия Путинцева Дохадағы турнирде әуре-сарсаңға түсті
10.02.2025, 19:27
Биылғы Qatar Total Open турнирі WTA 500 санатына ие.
фото ашық дереккөздерден алынды
Қазақстанның екінші ракеткасы Юлия Путинцева Қатардағы турнирдің алғашқы айналымында біраз тер төкті.
1/32 финалда оған жапониялық Моюка Учижима қарсылас атанды. 2 сағат 30 минутқа созылған матч 6:2, 6:7, 6:3 есебімен Путинцеваның пайдасына шешілді.
Еске сала кетсек, Qatar Total Open турнирінің санаты жыл сайын ауысып отырады. Тақ жылдары – WTA 500 болса, жұп жылдары – WTA 1000 санатына ие.
Былтыр Қазақстанның бірінші ракеткасы Елена Рыбакина финалда Ига Швёнтекке жеңіліп қалған еді.