Қазақстандық боксшы қыздар Бакуде 9 медаль жеңіп алды
15.04.2025, 20:13
Әзербайжан астанасы Бакуде өткен халықаралық "Жібек жолы" турнирінде Қазақстан әйелдер құрамасы тоғыз жүлде еншіледі.
instagram/@boxingkazakhstan
Қазақстандық қыздар арасынан екі спортшы алтын медальға қол жеткізді:
- Элина Базарова — 54 келіге дейінгі салмақ дәрежесінде.
- Виктория Байдукова — 57 келіге дейінгі салмақта жеңіске жетті.
Олардың финалдағы қарсыластары — Ресейдің мықты боксшылары болғанына қарамастан қос спортшы өздерінің шеберлігі мен мінезін дәлелдеп, турнирдің басты жүлдесін еншіледі.
Анжа Сәдуақасова (52 кг) да финалға дейін жетіп, әзербайжандық қарсыласына тартысты кездесуде есе жіберіп, екінші орынды иеленді.
Қазақстан құрамасының тағы алты боксшысы жартылай финалға дейін жетіп, қола жүлдеге ие болды:
- Гүлнәз Бөрібаева (48 кг)
- Елянур Тұрғанова (50 кг)
- Томирис Мырзақұл (52 кг)
- Сымбат Әлиасқар (54 кг)
- Әзиза Исина (70 кг)
- Дина Исламбекова (81+ кг)