Әлем және Азия чемпионы халықаралық турнирде "алтынсыз" қалды
15.04.2025, 19:45
Қазақстандық жас боксшы Санжаралы Бегалиев Бакуде (Әзербайжан) өткен халықаралық "Ұлы Жібек жолы" турнирінің финалында жеңіліске ұшырады.
offside.kz
75 келіге дейінгі салмақ дәрежесінде өнер көрсеткен Санжаралы Бегалиев алтын медаль үшін жергілікті боксшы Сейжамшид Жафаровпен қолғап түйістірді.
Үш раундқа созылған тартысты кездесуден кейін төрешілер бірауыздан жеңісті Жафаровқа (5:0) берді. Осылайша, Санжаралы Бегалиев турнирді күміс жүлдемен аяқтады.
Бегалиевтің жетістіктері қандай?
Санжаралы Бегалиев — жастар арасында әлем және Азия чемпионы. Сонымен қатар жасөспірімдер арасында құрлық біріншілігінде алтын медаль жеңіп алған. Яғни, бұл финал — оның мықты спортшы екенін тағы бір дәлелдегенімен, қазылар шешімі шешуші рөл атқарды.