Қазақстан ресейлік боксшыларды қатарынан екі финалда жеңіп, "алтын" иеленді
Бакуде (Әзербайжан) өтіп жатқан халықаралық "Ұлы Жібек жолы" турнирінде қазақстандық боксшы қыздар ресейлік қарсыластарын финалда жеңіп, ел қоржынына екі бірдей алтын медаль салды.
Элина Базарова — нокдауннан кейін жеңіске жеткен батыр
54 келіге дейінгі салмақ дәрежесінде өнер көрсеткен Элина Базарова финалда ресейлік Дарья Пантелеевамен қолғап түйістірді. Ол екінші раундта нокдаунға түсіп қалғанына қарамастан, кездесуді сенімді аяқтап, төрешілер шешімімен жеңіске жетті.
Бұл жеңіс Элина үшін ғана емес, бүкіл Қазақстан үшін ерекше мәртебе.
Виктория Байдукова — финалда 4:1 есебімен басым түсті
57 келіге дейінгі салмақ дәрежесінде жұдырықтасқан Виктория Байдукова да финалдық жекпе-жекте Ресейдің тағы бір мықты өкілі — Дарья Абрамованы 4:1 есебімен жеңіп, турнир жеңімпазы атанды. Ол кездесуде бастан-аяқ сенімді әрекет етіп, қарсыласына еш мүмкіндік қалдырмады.
Сәдуақасова алтыннан қағылды
Ал бұған дейін 52 келі салмақта жұдырықтасқан Анжа Сәдуақасова өкінішке қарай финалда жеңіске жете алмады. Ол ринг иесі — әзербайжандық Зейнаб Рахимовамен кездесіп, бөлінген төрешілер шешімімен жеңілді.