Наталья Богданова өзбекстандық боксшыны жеңіп, Азиада медалін иемденді
Қазақстандық боксшы Жапониядағы Азия ойындарының жартылай финалына шықты.
Алғашқы раундтан кейінгі жеңіс
Богданова 75 келіге дейінгі салмақ дәрежесінің ширек финалында Азиза Зокированы жеңді.
Жекпе-жектің бірінші раундында төрешілердің бәрі Зокироваға басымдық берді. Дегенмен Богданова келесі екі раундта нәтижені өз пайдасына өзгертіп, үш раунд қорытындысы бойынша төрешілердің бөлек шешімімен 4:1 есебімен жеңіске жетті.
Осылайша Наталья Богданова кемінде қола медаль иегері атанады. Енді финал жолдамасы үшін жұдырықтасады. Азиза Зокирова турнирді жүлдесіз аяқтады.
Боксшылардың бұған дейінгі жетістіктері
Наталья Богданова — 2025 жылғы World Boxing әлем чемпионы. Ханчжоуда өткен 2022 жылғы Азия ойындарында қола медаль алған.
Азиза Зокирова 2024 жылғы Азия чемпионатында күміс, ал 2025 жылғы World Boxing әлем чемпионатында 70 келіге дейінгі салмақта қола жүлде иеленген.