Қытай құрамасындағы қазақ қызы Азия чемпионы атанды
28.04.2025, 14:11
Бангкокта өтіп жатқан дзюдодан Азия чемпионатында этникалық қазақ спортшы Айман Жеңіс тарихи жетістікке қол жеткізді.
1bol.kz
Азия чемпионы атанған Айман Жеңіс
21 жастағы Айман Жеңіс (ресми аты-жөні — Ayiman Jinesinuer) 78 келіден жоғары салмақ дәрежесінде финалдық белдесуде отандасын жеңіп, Азия чемпионы атанды. Финалда ол айқын басымдықпен қарсыласын тізе бүктіріп, өзінің мықтылығын тағы бір мәрте дәлелдеді.
Айманның биылғы нәтижелері
- Биыл Ташкентте өткен "Grand Slam" (Үлкен дулыға) турнирінде қола медаль еншілеген.
- Ал өткен жылы Токиода ұйымдастырылған халықаралық жарыста 5-орынға ие болған.
Айман Жеңістің Азия чемпионатындағы жеңісі оның халықаралық аренадағы беделін нығайтып қана қоймай, этникалық қазақ спортшыларының әлемдік деңгейде үлкен жетістіктерге жетіп жатқанын тағы бір рет көрсетті.