Бақыт Сәрсекбаевтың шәкірттері Азия біріншілігінде бақ сынайды
Коломбо қаласында өтетін бұл додада Қазақстанның 13 жас боксшысы түрлі салмақ дәрежесінде бақ сынамақ.
12–23 мамыр аралығында Шри-Ланканың Коломбо қаласында өтетін 22 жасқа дейінгі Азия чемпионатына Қазақстанның жас боксшылары қатысады. Жас спортшыларды жарысқа Олимпиада чемпионы, ұлттық құраманың аға жаттықтырушысы Бақыт Сәрсекбаев бастап барады.
Қазақстан құрамасының толық құрамы
Қазақстанның намысын қорғайтын 13 спортшы әртүрлі салмақ дәрежесінде бақ сынайды:
- 48 кг: Тілеуберді Сүлеймени
- 51 кг: Диас Берікбай
- 54 кг: Кенже Мұратұлы
- 57 кг: Жасурбек Анорбаев
- 60 кг: Нұрислам Қалдыбаев
- 63.5 кг: Сералы Жолмағанбет
- 67 кг: Бақтияр Анарбаев
- 71 кг: Ағажан Қадыр
- 75 кг: Аман Қонысбеков
- 80 кг: Бақберген Алиасқаров
- 86 кг: Ибрагим Бетаев
- 92 кг: Азатбек Жолдасхан
- +92 кг: Ерсұлтан Сапар
Сәрсекбаев шәкірттері – ел үміті
Олимпиада чемпионы Бақыт Сәрсекбаевтың жетекшілігімен дайындалған жас боксшылар Азияның үздік спортшыларымен күш сынасады. Бұл турнир – олар үшін халықаралық аренадағы шеберлігін дәлелдеуге үлкен мүмкіндік.
Естеріңізде болса, әйгілі қазақстандық боксшы Бақыт Сәрсекбаев елге оралып, жас боксшыларды дайындайтынын хабарлаған еді.