Qazaqstan Barysy Grand Slam – 2025: Финалға шыққан бір қазақ, жолы болмаған екіншісі (ВИДЕО)
Астанада өтіп жатқан дзюдодан Qazaqstan Barysy Grand Slam – 2025 турнирінде екі қазақстандық балуан жартылай финалға дейін жетіп, әрқайсысы өз жолымен финалдық кезеңге қадам басты. Бірақ армандағандай толық "қазақ финалы" бұл жолы орындалмады.
Екі түрлі нәтиже – бір үміт
+100 келі салмақ дәрежесінде өнер көрсеткен Ерасыл Қажыбаев грузиялық Иракли Деметрашвилиді жеңіп, финалға жолдама алды. Қарсыласы үш “шидо” ескерту алған соң жеңіс отандасымызға жазылды.
Ал 100 келіде белдескен Марат Байқамұров, өкінішке қарай швейцариялық Даниэль Эйхтан иппонмен жеңілді.
Қола үшін күрес – жаңа міндет
Финал есігі бір балуанға ашылса, екіншісіне қола үшін тартыс міндеттелді. Байқамұров енді ливандық Карамоб Сагаиповпен жүлделі орын үшін белдеседі. Сондай-ақ Бақжан Байтас та өз мүмкіндігін сәтті пайдаланып, жұбаныш белдесуінде итальяндық Энрико Бергамеллиді иппонмен жеңіп шықты. Енді ол ресейлік Адам Сангариевпен “қола” үшін күреседі.
Қарсыластар да оңай емес
Ал аса ауыр салмақтағы Мәди Еділбаев поляк дзюдошысы Грегор Терезинскиге екі “вазари” әдісі арқылы жол беріп, жарысты аяқтады.
Финалдық белдесулер (басталуы: 17:00)
- 100 кг. Марат Байқамұров – Карамоб Сагаипов (Ливан)
- 100 кг. Бақжан Байтас – Адам Сангариев (Ресей)
- +100 кг. Ерасыл Қажыбаев – Хёга Ота (Жапония)