Түркістанда қазақ күресінен ел біріншілігі өтіп жатыр
14.05.2025, 15:38
Жас балуандар жеті салмақ дәрежесінде ел намысы үшін жан аямай күресуде.
1bol.kz
Түркістан қаласында жасөспірімдер арасында қазақ күресінен ел біріншілігі ұйымдастырылды. Дүбірлі дода осымен екінші жыл қатарынан өткізіліп отыр.
Ел намысы – бозкілемде
- Жарыс орны: Түркістандағы Арена спорт сарайы
- Қатысушылар: 2005–2007 жылы туған жасөспірімдер
- Салмақ дәрежелері: Спортшылар 7 салмақ бойынша белдеседі.
Жас спортшылар бозкілемге шығып, облыс намысын абыроймен қорғауға бар күшін салып жатыр. Мұнда тек күш пен әдіс емес, тәртіп пен рух, намыс пен сабыр сыналады.
Мақсат – чемпиондарды анықтау
Бұл турнир:
- Қазақ күресін жастар арасында кеңінен таратуға,
- Талантты жас спортшыларды іріктеуге,
- Халықаралық деңгейдегі болашақ чемпиондарды даярлауға бағытталған.