UFC Қазақстанда турнир өткізуді жоспарлап отыр — нақты мерзімі белгілі болды
Қазақстанда UFC турнирі өтуі мүмкін. Бұл туралы Мәжіліс депутаты әрі Alash Pride ММА лигасының президенті Данияр Қасқарауов мәлімдеді.
UFC келіссөзге дайын
“Қазір UFC ұйымымен Қазақстан аумағында турнир өткізу жөнінде келіссөздер басталды. Олар бұған әзір. Бәлкім, біз UFC президенті Дана Уайтпен Баку немесе Абу-Дабиде өтетін алдағы турнирлердің бірінде кездесіп, қосымша келіссөз жүргіземіз. Егер бәрі сәтті өтсе, турнир осы жылдың соңында немесе келесі жылдың басында ұйымдастырылуы мүмкін. Бұл өте ауқымды ұйым, сондықтан оған қомақты қаржы қажет”, — деді Қасқарауов QR News-ке берген пікірінде.
Бакудегі UFC Fight Night 260 — маңызды алаң
Айта кетейік, UFC-дің келесі турнирі 21 маусымда Бакуде өтеді. UFC Fight Night 260 аясында басты жекпе-жекте жартылай орта салмақтағы америкалық файтерлер Джамал Хилл мен Халил Раунтри октагонға шығады.
Бұл шара Қазақстанға UFC-ді тартуға мүмкіндік беретін маңызды алаңдардың бірі болуы мүмкін.