"П##дец қарадың ғой!". Мотиватор Мұхиттың бетінен салып қалды (ВИДЕО)
Екі спортшы эфир бастала сала жұдырықтасып, студияны рингке айналдырып жіберді.
Танымал "Бірінші бол" подкастының жаңа шығарылымы даулы эфирге айналды. Әлеуметтік желілерде бірін-бірі сынап келген Мұхит Амантаев пен Ануарбек «Мотиватор» подкаст басталмай жатып, камера алдында төбелесіп кетті.
Онлайн айқас – офлайн соққыға ұласты
Бастапқыда екеуі подкастқа жекпе-жекке дайындық жайында ашық әңгіме жүргізу үшін келген. Алайда эмоциялар мен өзара жиналып қалған өкпе эфир басталмай жетіп шегіне жеткендей. Бір-бірінің кемшілігін бетке басып, тілмен түйреп отырған қос боксшы алғашқы секундаттарда-ақ жаға жыртысты.
Түсірілім уақытша тоқтатылып, жүргізуші мен студия қызметкерлері екеуін әрең ажыратты. Бұл "сұхбат" емес, нағыз пролог болды.
6 маусым — шешуші күн
Айта кетейік, Мұхит Амантаев пен Ануарбек Бекембетов 6 маусым күні Алматыда өтетін кәсіби бокс кешінде рингке шығуы тиіс.
Жекпе-жекке ірі көлемде гонорар тігілген, бірақ қос боксшы нақты сомасын жария етпеді. Бұл да жекпе-жек төңірегіндегі құпия мен қызығушылықты арттырып отыр.
Халық кімге сенеді?
Бұл жекпе-жек бойынша жанкүйерлердің ойы қазір екі түрлі. Бірі Мұхит Амантаев Ануар Мотиваторды нокаутпен жеңеді десе, енді бірі атыраулық жауынгер өз дегеніне жетеді дегенді алға тартады.