Мераб Двалишвили реваншқа екі апта қалғанда жарақат алды
UFC 316 турнирінде Шон О'Мэллимен өтетін тарихи айқасқа екі апта қалғанда грузиялық спортшы аяғынан жарақат алды.
Двалишвили шегінбейді
UFC-дің жеңіл салмақтағы қазіргі чемпионы Мераб Двалишвили жаттығудың шешуші кезеңінде аяғының башпайын жарақаттап алды. Жарақат оның 7 маусымда өтетін UFC 316 турниріндегі басты қарсыласы экс-чемпион Шон О’Мэллиге қарсы реванш алдында тіркелді.
Алайда Двалишвили жарақатқа қарамастан октагонға шығуға дайын екенін кесіп айтты.
Двалишвили: "Қажет болса, башпайымды кесіп тастаймын"
Спортшы Instagram желісіндегі жеке парақшасында жариялаған видеосында әзіл-шыны аралас былай деді:
"Ештеңе етпейді. Қажет болса, башпайымды кесіп тастаймын".
Бұл сөздерінен оның тек физикалық емес, рухани жағынан да жекпе-жекке толық дайын екенін байқауға болады.
UFC 316: күткен реванш
Айта кетейік, Мераб Двалишвили мен Шон О’Мэлли арасындағы алғашқы айқас 2024 жылдың қыркүйегінде өткен. Сол кезде төрешілердің бірауыздан қабылдаған шешімімен жеңіс грузиялық спортшының еншісіне жазылды. Енді Ньюарк (АҚШ) қаласында өтетін UFC 316 турнирінде қос қарсылас екінші мәрте күш сынаспақ. Бұл реванш UFC жанкүйерлері үшін биылғы жылдың басты оқиғаларының бірі болмақ.