Бақыт Сәрсекбаевтың рингтегі ұстаздық сәті көпшілікті тәнті етті (ВИДЕО)
Олимпиада чемпионы, жастар құрамасының бапкері Бақыт Сәрсекбаев шәкіртін рингке бастап шығып, айқас кезінде бағыт-бағдар беріп, жанкүйерлердің ыстық ықыласына бөленді.
Жекпе-жек алдындағы шынайы ұстаздық
Әлеуметтік желілерде тараған бейнежазбада Бақыт Сәрсекбаевтың өз шәкіртін жекпе-жекке дайындап, айқас сәтінде жан-тәнімен кеңес беріп тұрғаны анық байқалады. Жаттықтырушының бағыттау сөзі жұрттың жүрегінен орын тапты:
"Алдыңғы қолмен баста, артқы қолмен аяқта. Ішке, бүйірге соқ. Ұзаққа бармайды – құлайды".
Бұл сәт көрермендерге тек жаттығу емес, шын жанкештілік пен ұстаздықтың үлгісін көрсетті.
Халықтың ыстық пікірі
Желі қолданушылары Бақыт Сәрсекбаевтың әрекетін жоғары бағалап, жылы лебіздерін жаудырды:
- "Осындай мамандар әр саланың тізгінін ұстауы керек"
- "Бақытты баяғыда әкелу керек еді!"
- "Бұл жігіт қазақ боксын жаңа деңгейге көтереді"
- "Жанып тұрған бапкер! Өзі секілді қасқырларды тәрбиелеп жүр!"
Оқырмандар бұл көріністі тек спорттық шеберлік емес, нағыз жанашырлық пен ұстазға тән қасиет ретінде қабылдады.
Бұған дейін де шабыт берген сәттер болған
Айта кету керек, бұған дейін де Бақыт Сәрсекбаевтың жастарға соққы техникасын үйреткен видеосы TikTok пен Instagram-да кең таралған болатын. Оның тәлім беру тәсілі мен харизмасы көпшіліктің көңілінен шықты.